Trump: Nuk largohemi nga NATO

Keystone (AP Photo/Paul Sancya)

Kandidati për president të SHBA-së, Donald Trump, tha se SHBA-ja do të qëndrojë në aleancën ushtarake të NATO-s dhe do t`i vijë në ndihmë një anëtari të bllokut nëse ata sulmohen për aq kohë sa vendet e tjera “luajnë drejt”.

‘NATO duhet ta trajtojë SHBA-në me drejtësi, sepse nëse nuk është për Shtetet e Bashkuara, NATO fjalë për fjalë as nuk ekziston”, tha Trump për GB News.

Trump më parë shkaktoi polemika kur tha se do të lejonte Rusinë të bënte “çfarëdo dreqin të duan” ndaj çdo vendi të NATO-s që nuk përmbush kriteret e shpenzimeve të mbrojtjes.

Sipas nenit 5 të traktatit të anëtarësimit të NATO-s, ata brenda aleancës janë të detyruar të ndihmojnë shtetet e tjera anëtare nëse sulmohen nga një komb armiqësor.

Kur u pyet nëse SHBA nën udhëheqjen e tij të ardhshme të mundshme do ta përmbushin këtë angazhim, zoti Trump tha: “Po. Por ju e dini, Shtetet e Bashkuara duhet të paguajnë pjesën e duhur, jo pjesën e drejtë të të gjithëve. Ne kemi një oqean mes disa problemeve, ne kemi një oqean të bukur të madh, të bukur, [NATO] është më e rëndësishme për [vendet evropiane], ata do të përfitojnë’, tha ai.