Dizajnerja shqiptare e modës në Amerikë gërshëton fustanet me elemente tradicionale

Pa dyshim se veshjet tradicionale shqiptare, sipas viseve kanë qenë dhe vazhdojnë të jenë të veçanta, përcjell albinfo.ch.

Kësaj radhe, dizajnerja shqiptare, Dizenjo Lejda Troci, ka bërë një gërshëtim të elementeve tradicionale, kombëtare me atë moderne, duke promovuar fustanet në eventet e modës në Nju-Jork.

“New York Fashion week 2024″ për mua ishte një event fantastik, një kënaqësi e papërshkrueshme si emocionale dhe profesionale. Një punë mjaft e organizuar me një angazhim prej disa muajsh që pati sukses të madh në promovimin e kulturës kombëtare, bukurive të Shqipërisë e vlerave tona identitare”, shprehet ajo.