Anëtarësimi i Ballkanit Perëndimor në BE, Scholz: “Pro përshpejtimit të procesit”

(KEYSTONE/DPA/Christoph Soeder)

Kancelari gjerman, Olaf Scholz, ka deklaruar se është në favor të përshpejtimit të procesit të hyrjes së vendeve të Ballkanit Perëndimor në Bashkimin Evropian.

Ai ka shtuar se kushdo që shpreson për anëtarësim në BE duhet të jetë i vetëdijshëm se është jo një vendim gjeopolitik, por një proces që lidhet me hapa të veçantë reformash.

“Më shumë se 20 vjet më parë në Selanik, shteteve të Ballkanit Perëndimor iu ofrua anëtarësimi në BE, por nuk pati shumë përparim. Prandaj, është e rëndësishme të kuptojmë që tani është krijuar një moment i ri dhe të arrijmë përparim në çështjet e shumta që dalin”, tha Scholz në një konferencë për shtyp me kryeministrin slloven, Robert Golob.