AAK: Kurti është dorëzuar, të shkojmë në zgjedhje sa më shpejt

Besnik Tahiri, FB

Shefi i Grupit Parlamentar të Aleancës për Ardhmërinë e Kosovës, Besnik Tahiri, ka kërkuar që vendit të shkojë sa më shpejt në zgjedhje të përgjithshme, përcjell albinfo.ch.

Pas mbledhjes së Kryesisë së Kuvendit, Tahiri ka thënë se AAK-ja është në diskutim me grupet e tjera parlamentare për këtë çështje.

“Jemi në diskutim me grupet parlamentare se si t’i qasemi kësaj çështjeje. Aleanca e ka pozicionin më komod për këtë temë, ne jemi për të shkuar në zgjedhje sa më shpejt që është e mundur, po ashtu mendojmë se kjo Qeveri duhet të shkarkohet ose të dorëheqet. Kurti është dorëzuar. Jemi në komunikim me shefat e grupeve parlamentare dhe do të dalim me qëndrim të përbashkët sa i përket kësaj teme”, është shprehur ai.