43 vjet nga demonstratat e prillit të ’81-shit

Albin Kurti, FB

Më 1 e 2 prill 1981 në Prishtinë u organizua demonstrata më e madhe politike nga rinia e asaj kohe, që shënon edhe fillimi i shkatërrimit të Federatës Jugosllave.

Këto demonstrata vijnë pas atyre të 11 marsit dhe 26 marsit.

Me kërkesat e demonstruesve: “Kosova Republikë”, ‘Duam liri, barazi, drejtësi”, “Duam bashkim”, “Të lirohen të burgosurit politikë”, e shumë kërkesa të tjera, u solidarizua i gjithë populli shqiptar i Kosovës e më gjerë, duke u organizuar më pas demonstrata nga rinia edhe në qytetet e tjera të Kosovës.

Inkuadrimi nisi së pari individualisht me studentët, e u bë masovisht me punëtorët e Kombinatit Ndërtimor “Ramiz Sadiku” në Prishtinë.

Në ato ngjarje të rënda, por të lavdishme në historinë e popullit tonë, pushteti vrau 9 demonstrues, plagosi 15, e me qindra arrestoi e burgosi, ndëshkoi e dënoi me vite e vite burg të rëndë politik.

Forcat e regjimit jugosllav patën dy të vrarë dhe 17 të plagosur. /KP