Kurti nga veriu: Vizituam vendin ku u vra Afrim Bunjaku

Foto nga konferenca: Kryeministri Albin Kurti

Këtë të mërkurë, Kryeministri i Kosovës, Albin Kurti ka pasur një tur nëpër komunat e veriut.

Ai ka vizituar Leposaviqin, Zubin Potokun e Mitrovicën e Veriut, nga ku ka bërë të ditur arsyet e vizitës së tij.

“Me kryetarin Erden Atiq bashkëbiseduam për mbarëvajtjen e punëve këtu. Mbështetje si qeveri për këtë komunë dhe për të gjitha shërbimet që i jepen qytetarëve pa dallim”, u shpreh Kurti.

“Vizituam edhe përmendoren e Enver Zymberit që tani do t’i mbushte 45 vjet, por është vrarë, siç e dimë në korrik të 2011. Po ashtu, e vizituam edhe vendin ku ishte organizuar ajo prita kriminale ku është vrarë Afrim Bunjaku më 24 shtator të vitit të kaluar nga paramilitarët dhe terroristë që tash fshihen në Serbi”, shtoi kryeministri.

Ai në këtë vizitë të tij ishte i shoqëruar nga Ministri i Pushtetit Lokal, Elbert Krasniqi dhe Ministri i Punëve të Brendshme, Xhelal Sveçla.