Vazhdon procesi i konfiskimit të pasurisë së Milan Radoiçiqit

Foto FB: Lista Serbe

Ministrja e Drejtësisë, Albulena Haxhiu, ka njoftuar se ish-nënkryetarit të Listës Serbe, Milan Radoiçiqit, i cili është deklaruar si një ndër organizatorët kryesor të sulmit në Banjskë, i është konfiskuar pasuria multimilionëshe.

Në dokumentin e publikuar, figurojnë më shumë se 30 vetura, ekskavator, autoblinda të modifikuar, motorë me katër rrotë, një vilë, banesë, anije e një lokal.

“Dokumentet më poshtë janë lista të gjata të pasurive të shumta të konfiskuara dhe të sekuestruara të një kryekrimineli që vetë është bërë milioner, ndërkohë që qytetarët e komunitetit serb i ka përdorur përmes frikës, kërcënimit dhe shantazhit”, ka shkruar ministrja Haxhiu, transmeton albinfo.ch.

Ndërkaq, për media në Kosovë, policia e ka konifrmuar se resotranti i konfiskuar sot në Mitrovicë të Veriut është i Radoiçiqit.