Vuçiqi në Francë synon ta sigurojë blerjen e 12 aeroplanëve luftarakë

Mësohet se presidenti i Serbisë, Aleksandar Vuçiq, në takimet që po i zhvillon në Francë do të diskutojë për blerjen e mundshme të 12 aeroplanëve luftarakë francezë “Dassault Rafale”, ka raportuar të martën “Associated Press”, përcjell albinfo.ch.

Në mëngjes ai është takuar me ministrin e mbrojtjes, Sebastien Lecornu. Sipas AP-së kryetemë do të jetë Kosova dhe çështjet e sigurisë.

Një ditë më parë, Vuçiqi u takua edhe me presidentin Emmanuel Macron. U diskutua për situatën në Kosovë e për çështje të tjera.

Presidenti i Francës, Emmanuel Macron, ka thënë se normalizimi i marrëdhënieve të Kosovës me Serbinë është peng për stabilitetin e rajonit dhe të gjithë kontine

Pas takimit me Lecornun, Vuçiqi ka thënë se ka pasur bisedë të frytshme me të. Ai ka konfirmuar se është diskutuar për blerjen e armëve.

“Në kohë të sfidave të mëdha, po bëjmë gjithçka që të mbrojmë shtetin tonë dhe për këtë vazhdojmë të investojmë e të forcojmë Forcat e Armatosura të Serbisë dhe industrinë tonë ushtarake”, ka thënë Vuçiqi.