Fluturonte nga Prishtina në Munih, arrestohet për kontrabandë me refugjatë

Shtetasi i Serbisë thuhet se ka sjellë tetë persona në BE përmes rrugës ballkanike në vitin 2021

Policia federale e Gjermanisë ka arrestuar të martën një shtetas të Serbisë në aeroportin e Mynihut. Personi, i shpallur në kërkim në gjithë Evropën, dyshohet se ka trafikuar njerëz në Gjermani, transmeton albinfo.ch.

35-vjeçari ka dashur të hyjë në Gjermani me fluturimin DE 169 që vinte nga Kosova, gjegjësisht aeroporti i Prishtinës. Por autoritetet hungareze kishin lëshuar një urdhër arresti evropian kundër shtetasit serb, shkruan sz.de. Sipas fletarrestit në fjalë, ai ka kontrabanduar tetë sirianë në Bashkimin Evropian përmes të ashtuquajturës rrugë ballkanike në vitin 2021.

Pas arrestimit, ai është sjellë para gjyqtarit hetues në Gjykatën e Qarkut në Landshut dhe më pas është dërguar në institucionin korrektues vendas.

Zyra e Prokurorit Publik të Mynihut tani është përgjegjëse për procedurat e mëtejshme.

 

---