Ministri i Mbrojtjes i Kosovës takon homologun e tij hungarez, flasin për sulmin e Banjskës

Ministri i Mbrojtjes i Kosovës, Ejup Maqedonci, në margjinat e Kongresit të Sigurisë që u mbajt në Budapest, ka takuar homologun e tij hungarez, Krisof Szalay-Bobrovniczkyn.

Ata diskutuan për situatën e sigurisë, me theks për sulmin në veri të vendit dhe politikat që kanë për qëllim destabilizimin e Ballkanit.

“Si dy shtete demokratike që besojnë në vlerat perëndimore u diskutua gjithashtu për mundësitë e thellimit të bashkëpunimit dypalësh në fushën e mbrojtjes, ndërsa u ritheksua nga ana e ministrit Maqedonci synimi që Kosova ka për të qenë anëtare e Bashkimit Evropian dhe NATO-s”, thuhet në njoftim, transmeton Klankosova.tv.

Këtë të shtunë, Maqedonci ka marrë pjesë në konferencën e Dialogut të Sigurisë që u mbajt në Budapest të Hungarisë.