Rohde e shtyn Kosovën të marrë vendim të guximshëm: Agjenda në KiE mund të ndryshojë

Foto Twitter: @GermanAmbKOS

Edhe pse Komiteti i Ministrave të Këshillit të Evropës nuk e ka në agjendë çështjen e Kosovës një javë deri në takim, ajo mund të ndryshojë në momentin e fundit, përcjell albinfo.ch.

Ambasadori gjerman në Kosovë, Jorn Rohde, ka siguruar për këtë dhe e ka shtyrë Kosovën që të marrë një vendim “të guximshëm” për ta bërë realitet anëtarësimin në KiE. 

Kosovës i është kërkuar të bëjë progres drejt Asociacionit të komunave me shumicë serbe, për t’u anëtarësuar në Këshill. 

“Agjenda për takimin e Komitetit të Ministrave të Këshillit të Evropës mund të ndryshohet minutën e fundit. Por, sa më shpejt që Kosova merr një vendim të guximshëm, aq më realiste është të arrish 2/3 e shumicës për t’iu bashkuar Këshillit të Evropës”, ka shkruar Rohde në platformën X.