Kosova

ASK: Kosova pritet të ketë 1.6 milionë banorë

E hënë, 27 Maj 2024 - 11:20 albinfo.ch

Kosova pritet t’i ketë 1.6 milionë banorë, ka njoftuar Agjencia e Statistikave të Kosovës (ASK) në një konferencë për media, pas përfundimit të procesit të regjistrimit të popullsisë.

Ushtruesi i detyrës së drejtorit ekzekutiv të ASK-së, Avni Kastrati, tha se të dhënat zyrtare do të publikohen kah mesi i muajit korrik.

“Të dhënat publikohen në pjesën e parë të muajit korrik, por në bazë të ditëve të fundit të mbarimit të procesit, edhe shtesa që ka qenë, pritjet janë që Kosova t’i ketë rreth 1.6 milionë banorë”, ka thënë ai të hënën.