Mjekja shqiptare në Gjermani apelon për mostejkalim të dozës së paracetamolit, tregon pasojat

Doza e ilaçeve, sidomos në ato ditë kur ne vetë ose fëmijët kanë temperaturë, është një nga shqetësimet apo pikëpyetjet për shume njerëz. A i kemi pirë korrekt sipas orareve, a e kemi tepruar, a duheshin pirë më rrallë?

Paracetamoli dhe ibuprofeni janë dy ndër ilaçet më të përdorura kundër dhimbjes, por jo vetëm. Mjekja shqiptare në Gjermani, Aurora Dollenberg, tha se mund të përdoren deri në 8 paracetamolë në ditë për temperaturën dhe po u kalua kjo dozë, shkakton dëmtime të mëlcisë.

“Paracetamoli mund të merret deri në 8 kokrra në ditë nëse është 500 mg, pra mund të marrim deri në 4 gramë në ditë. Nëse e kalojmë këtë dozë, kalojmë në atë që quhet helmim nga paracetamoli. Paracetamoli shkakton probleme me mëlçinë, jep insuficenca hepatike duke bërë që pacienti, laboratorin e vetëm që shpërbën të gjitha helmet e shkatërrojmë me paracetamolin. Ibubrofeni është më i efektshmi, por ka pasoja më të dëmshme anësore për traktin e stomakut dhe zorrës”, tha mjekja në Euronews Albania.