Zvicër: Një kompani e vetme e sigurimit shëndetësor, më e favorshme

(KEYSTONE/Christian Beutler)

Shumë njerëz tani janë në favor që të kenë një kompani të vetme të sigurimit shëndetësor.

Mbështetja për idenë është rritur në vitet e fundit, ndërsa kostot shëndetësore po rriten – ideja është refuzuar nga votuesit në të kaluarën. Por një sondazh nga firma konsulente Deloitte sugjeron se tashmë shumë kanë ndryshuar mendje.

Tani 65% do të donin një sigurues të vetëm, transmeton albinfo.ch.

Kompanitë e sigurimeve janë nën presion, pasi tani më shumë njerëz janë të përgatitur të ndryshojnë kompaninë e tyre. Pothuajse gjysma thonë se duan të ndryshojnë këtë vjeshtë.

Publiku kërkon gjithashtu oferta më të mira nga kompanitë dhe përdorimin më të mirë të teknologjisë moderne.

Mbështetja për një sigurues të vetëm është më e madhe në rajonet frëngjisht dhe italishtfolës.

Shumë fajësojnë firmat farmaceutike për rritjen e kostos shëndetësore, si dhe plakjen e popullsisë dhe vetë pacientët.