Tërmet në Greqi, nuk raportohet për dëme materiale

Një tërmet i fuqishëm me magnitudë 5.2 ballë i shkallës Rihter është regjistruar pasditen e së mërkurës, rreth orës 19:29, në jug të Kretës, pranë Gavdos.

Sipas zgjidhjes së rishikuar të Institutit Gjeodinamik, lëkundjet u regjistruan në një thellësi fokale të vlerësuar në 11.6 km, me epiqendër 15 km. në lindje-verilindje të ishullit Gavdos.

Tërmeti ndodhi 71 kilometra në jug të Rethymnos, duke krijuar shqetësim te banorët.

Intensiteti i tërmetit ka qenë i fortë, dhe sipas informacioneve nga ishulli I Kretës është ndier shumë edhe në qytetin e Iraklios. Deri tani nuk ka informacione për dëme në njerëz apo në materiale. Specialistët po ndjekin me vëmendje fenomenin.