Zvicra refuzon tarifën e hyrjes prej 25 frangash për turistët e huaj

Keystone EPA/RONALD WITTEK

Një plan për të luftuar mbiturizmin në Zvicër duke u ngarkuar turistëve 25 franga për të hyrë në vend është hedhur poshtë.

Komiteti i Këshillit Kombëtar për Institucionet Politike votoi të premten për të hedhur poshtë një iniciativë parlamentare të paraqitur nga deputeti Thomas Aeschi nga Partia e Popullit Zviceran (SVP) e krahut të djathtë, e cila bëri thirrje për futjen e një tarife hyrjeje prej 25 frangash për turistët e huaj.

Sipas mocionit, kjo taksë do të përdorej për të luftuar ‘overturizmin’ dhe të ardhurat e saj do t’i dhuroheshin fondit shtetëror të pensioneve, shkruan The Local, transmeton albinfo.ch.

Deputetët vendosën, megjithatë, se kjo masë do të ishte “jashtëzakonisht e ndërlikuar dhe e kushtueshme për t’u zbatuar”: për shembull, do të kërkonte rivendosjen e kontrolleve sistematike kufitare.

Kjo do të ishte gjithashtu kundër Marrëveshjes për Lëvizjen e Lirë të Personave që Zvicra nënshkroi me Bashkimin Evropian.

Një tjetër mocion, disi i ngjashëm, është ende para deputetëve: ata ende nuk e kanë peshuar propozimin e një deputeti tjetër të SVP-së, i cili dëshiron të detyrojë shtetasit e huaj të paguajnë taksë për privilegjin e të jetuarit në Zvicër.