Vajzës nga Aargau pritet t’i refuzohet marrja e pasaportës zvicerane për shkak të fotove nudo

(KEYSTONE/Christian Beutler)

Një vajzë nga Aargau, bashkë me të dashurin e saj u dënuan për prodhime dhe shpërndarje të materialeve pornografike. Kjo i kushtoi me mosmarrjen e shtetësisë së saj në Zvicër, përcjell albinfo.ch.

Një vajzë e mitur në kantonin Aargau iu kërkua nga i dashuri i saj që të bënte foto lakuriq dhe t’ia dërgonte atij. Më pas ai postoi regjistrimet në internet. Këtë e kanë marrë vesh prindërit e vajzës dhe kanë bërë denoncim, ku prokuroria e të rinjve ka dënuar të riun dhe vajzën. Kjo, sepse, “fakti i prodhimit dhe shpërndarjes së materialit pornografik është përmbushur”, siç shkruan “Aargauer Zeitung ”.

Megjithatë, vajza nuk u ndëshkua për shkak se faji u konsiderua i vogël. Megjithatë, Këshilli i Madh pritet ta refuzojë kërkesën e saj për natyralizim, e cila u miratua nga komisioni, të martën e ardhshme. Këshilli i Madh ka mundësinë të diskutojë rastet individuale dhe t’i votojë ato.