Alarm i kuq në disa zona në Francë, makina dhe rrugë të zhytura në ujë nga përmbytjet

(KEYSTONE/APA/HELMUT FOHRINGER)

Gjashtë departamente franceze u vendosën në alarm të kuq për shkak të përmbytjeve mes shiut të jashtëzakonshëm që agjencia franceze e motit tha se ishte deri në 630 mm në 48 orë në një zonë.

Zonat e mbuluara nga alarmi i kuq përfshijnë Lionin, qytetin e tretë më të madh në vend, si dhe Kanën, e famshme për festivalin e filmit, shkruan A2, përcjell albinfo.ch.

Autoritetet thanë se kishin mbyllur rrugët, kishin evakuuar lagjet dhe u kërkuan banorëve të shmangnin rrezikun, duke bërë foto dhe video.

Nuk ka raportime për të vdekur apo të lënduar dhe ende nuk është e qartë se cili është niveli i dëmeve nga përmbytjet.

Përmbytjet në pjesën jugore të Francës vijnë një javë pasi mbetjet e uraganit Kirk shpërthyen në Evropën Perëndimore dhe gati një muaj pasi Kana u godit nga përmbytjet.

Më herët në shtator, Evropa Qendrore u godit nga përmbytjet më të këqija në atë zonë në të paktën dy dekada.