Mundësia për dhunë ditën e zgjedhjeve, Washingtoni aktivizon Gardën Kombëtare

Keystone

Pas marrjes së informacioneve dhe shqetësimeve në lidhje me mundësinë e dhunës për shkak të zgjedhjeve të ditës së martë, guvernatori i shtetit të Washingtonit ka deklaruar se po aktivizon disa pjesëtarë të Gardës Kombëtare për t’i pasur në gatishmëri.

Vendi ka qenë një prej të dy vendeve ku kutitë e votimit u dogjën më herët gjatë javës, shkruan BBC.

“Duke u bazuar në informacione të përgjithshme dhe specifike si dhe shqetësime lidhur me mundësinë e dhunës apo aktiviteteve të tjera të paligjshme të lidhura me zgjedhjet e përgjithshme të vitit 2024, dua të sigurohem që jemi plotësisht të përgatitur për t’u përgjigjur”, deklaroi guvernatori, Jay Inslee, transmeton albinfo.ch.

Sipas tij, qindra vota u dëmtuan ose u shkatërruan nga përdorimi i një pajisjeje djegëse në kutinë e dorëzimit të votave në qytetin e Vancouverit.