Trumpi zyrtarisht zgjidhet president i SHBA-së

Ai ka tejkaluar shifrën e 270 votave elektorale

Donald Trump është zgjedhur president i Shteteve të Bashkuara të Amerikës.

Ai ka tejkaluar shifrën e 270 votave elektorale, duke shënuar rikthim të jashtëzakonshëm në politikë.

Me një diferencë të madhe e ka lënë prapa kandidaten e demokratëve, Kamala Harris. Trump do të jetë presidenti i 47-të i SHBA-së.

Ashtu si në Pensilvani, kandidatja demokrate Kamala Harris nuk arriti të merrte më shumë vota se Trumpi në shtetin verior të Wisconsinit.

Edhe para se të shpalleshin rezultatet e zgjedhjeve nga transmetuesit, Trump mbajti një fjalim para mbështetësve të tij në West Palm Beach, Florida, gjatë të cilit u shpall fitues.

“Dua të falënderoj popullin amerikan për nderin e jashtëzakonshëm që u zgjodh presidenti i 47-të”, tha Trump. “Ne bëmë histori”. Trump njoftoi se donte të “shëronte” vendin thellësisht të ndarë dhe të krijonte një “kthim” për vendin.

---