Rusia: Të rreme raportimet për bisedë telefonike mes Trumpit dhe Putinit

Keystone (AP Photo/RIA Novosti, Alexei Nikolsky, Presidential Press Service)

Zëdhënësi i Kremlinit, Dmitry Peskov, i ka hedhur poshtë raportimet se është zhvilluar një bisedë telefonike mes presidentit të zgjedhur amerikan, Donald Trump dhe presidentit rus, Vladimir Putin.

Ai ka thënë se raportimet janë “krejtësisht të rreme”, transmeton albinfo.ch.

Washington Post, duke u bazuar në burime të afërta me Trumpin, dje ka raportuar se Trump ka folur me Putinin në telefon, më 7 nëntor, dhe kanë diskutuar për luftën në Ukrainë.

Tutje, sipas raportit, Trump e ka zhvilluar bisedën nga Florida, një ditë pas ka folur me presidentin ukrainas, Volodymyr Zelensky.

Agjencia Reuters ka raportuar gjithashtu për këtë thirrje telefonike.

“Është plotësisht e pavërtetë. Është gjë plotësisht e shpikur, është informacion i rremë. Nuk është zhvilluar asnjë bisedë”, ka thënë sot zëdhënësi i Kremlinit, Dmitry Peskov.