Identifikohet rritje mallrash të paligjshme dhe potencialisht të rrezikshme

Çfarë artikujsh konfiskojnë doganierët zviceranë nga dërgesat e huaja?

Për shkak të rritjes së ndjeshme të mallrave që konsumatorët zviceranë porosisin nga faqet online jashtë vendit, Zyra Federale e Doganave dhe Sigurisë Kufitare (BAGZ) kryen rregullisht kontrolle të dërgesave në hyrje, përcjell albinfo.ch.

Inspektorët kanë zbuluar “një numër në rritje mallrash të paligjshme dhe potencialisht të rrezikshme”, duke përfshirë medikamente, sende të falsifikuara “markë”, lëndë narkotike, si dhe armë si pistoleta, kubotanë dhe thika, raportoi BAGZ të enjten.

Në total, në kuadër të këtyre kontrolleve, punonjësit e doganës kanë konfiskuar 692 artikuj.

 

---