Zvicra do të krijojë “axhendë bazë shëndetësore”

(KEYSTONE/Christian Beutler)

Kujdesi bazë mjekësor është një nga shtyllat e sistemit të kujdesit shëndetësor, i karakterizuar nga trajtimi i plotë dhe i vazhdueshëm mjekësor, si dhe koordinimi i kujdesit afatgjatë që i ofrohet pacientit, përcjell albinfo.ch.

Për shkak të ndryshimeve demografike dhe zgjatjes së jetëgjatësisë, nevoja për kujdes dhe trajtim mjekësor është në rritje.

Për të përmbushur këto sfida, ministrja e Shëndetësisë, Elisabeth Baume-Schneider, tha se ajo po harton një Agjendë të Kujdesit Bazë, në mënyrë që të garantojë që të gjithë në Zvicër do të vazhdojnë të kenë akses në kujdesin bazë të cilësisë së lartë.

“Si pjesë e kësaj agjende, do të zhvillohen masa të reja inovative për të siguruar kujdes bazë për të gjithë dhe në të gjithë sektorët; ato do të kenë të bëjnë me mjekët, farmacistët dhe shërbimet e urgjencës në spitale, si dhe psikoterapistët dhe stafin e institucioneve të kujdesit në shtëpi dhe kujdesit afatgjatë”, tha ajo.