Zbulohet një vaksinë të re për HIV

pixabay

Studiuesit nga universitetet belge në Bruksel dhe Gent pretendojnë se kanë zhvilluar një vaksinë të bazuar në mRNA, e cila mund të forcojë sistemin imunitar në rast të pranisë së virusit të mungesës së imunitetit të njeriut – HIV , raportoi portali “Focus on Belgium”.

Sipas shkencëtarëve, qëllimi i kësaj vaksine të zhvilluar në Belgjikë do të ishte kontrolli i HIV-it. Ilaçi në të vërtetë përdor nanogrimca lipide që “përmbajnë një sinjal stimulues shtesë për sistemin imunitar”, i cili rrit efektivitetin e vaksinës, tha një nga studiuesit.

Ata thonë gjithashtu se vaksina mund të zvogëlojë në mënyrë drastike varësinë nga barnat ekzistuese të përditshme. Nëse përfitimet e saj vërtetohen te njerëzit (deri tani është testuar vetëm te minjtë laboratorikë), kjo vaksinë e re mund të sjellë ndihmë dhe shpresë të konsiderueshme për njerëzit që jetojnë me HIV.