Riorientohen uljet e planifikuara në Aeroportin e Shkupit, shkak – mjegulla

(KEYSTONE/Valentin Flauraud)

Aeroporti i Shkupit mëngjesin e sotëm ka mbetur pa aterime të aeroplanëve për shkak të mjegullës së dendur. Sipas raportimeve nga mediat e vendit, deri më tani janë riorientuar fluturimet nga Stambolli, Vjena, Bazeli, Brukseli dhe Dortmundi, pra të gjithë avionët që është dashur të mbërrijnë.

Sipas të dhënave nga stacionet meteorologjike, në aeroport dukshmëria varion nga 250 deri në 300 metra, transmeton albinfo.ch.

Situata me nisjet dhe uljet është komplikuar edhe në Aeroportin Ndërkombëtar të Prishtinës, “Adem Jashari”, si pasojë e mjegullës së dendur.