Popullsia zvicerane është në rrugën drejt arritjes së shifrës prej 10 milionësh

Keystone

Zvicra ka tani më shumë se 9 milionë banorë, me qeverinë që pret që kjo rritje të vazhdojë, duke arritur në 10.4 milionë banorë deri në vitin 2050 – pra 21.7 për qind më shumë se aktualisht.

Cyrihu, Vaud, Gjeneva dhe Zug do të përjetojnë rritjen më të pjerrët, duke tejkaluar – me një rritje prej mbi 30 përqind në secilin nga katër kantonet – mesataren kombëtare, transmeton albinfo.ch.

Përkundër trendit, numri i banorëve të Ticinos, nga ana tjetër, do të ulet me 4.7 për qind.

Kjo për shkak se popullsia e saj është më e vjetra në vend dhe numri i vdekjeve atje tejkalon numrin e lindjeve.