Qasja në aeroportin e Cyrihut me tren do të kufizohet gjatë katër fundjavave të ardhshme

(KEYSTONE/Gaetan Bally)

Për shkak të punimeve ndërtimore, linjat e distancave të gjata dhe trenat e shumtë S-Bahn të Cyrihut nuk do të mund të ndalojnë në stacionin e aeroportit në fundjavë nga e premtja 17 janar në orën 23:00 deri më 10 shkurt, njoftoi kompania kombëtare hekurudhore, SBB, transmeton albinfo.ch.

Prandaj, qasja në aeroport nga stacioni qendror i Cyrihut / Oerlikon dhe nga Winterthur / Zvicra Lindore, do të kufizohet në këto fundjavë.

Trenat zëvendësues do të vihen në shërbim, por duhet të pritet një zgjatje e kohës së udhëtimit (mesatarisht me 20 minuta).

SBB rekomandon që të gjithë udhëtarët të kontrollojnë lidhjet në internet ose në aplikacionin SBB përpara çdo udhëtimi.