Hamasi liron katër izraelitë, Izraeli 200 të burgosur palestinezë

Keystone EPA/MOHAMMED SABER

Pas marrëveshjes së armëpushimit, si rrjedhojë e të cilës parashihet edhe shkëmbimi i pengjeve, tre autobusë me 114 të burgosur palestinezë, arritën sot në Ramallah.

Mediat izraelite konfirmuar transferimin e të burgosurve palestinezë nga burgu Ketziot në Negev, me plane për t’i transportuar ata në vendkalimin Kerem Shalom në kufirin e Gazës.

Zyra e Informacionit për të Burgosurit e Hamasit publikoi një listë me 200 të burgosur palestinezë të planifikuar për lirim. Mes tyre janë 121 persona me burgim të përjetshëm dhe 79 me dënime afatgjata, që bëjnë pjesë në grupin e dytë sipas marrëveshjes së shkëmbimit, transmeton albinfo.ch.

Në anën tjetër, Hamasi e quajti lirimin një moment të rëndësishëm.

“Sot ne e detyrojmë pushtuesin kriminel që të hapë dyert e qelive të tij për të burgosurit tanë heroikë dhe ky është zotimi ynë ndaj tyre për liri, si dhe ndaj popullit tonë që të vazhdojë të ecë së bashku në rrugën e pavarësisë dhe vetëvendosjes”, thuhej në deklaratë, shkruan Aljazeera.

Nga ky grup, konsiderohet se kjo është një nga ditët e pavdekshme të popullit palestinez. Më herët gjatë ditës, Brigadat Al-Qassam, krahu ushtarak i Hamasit, i dorëzoi katër të burgosur izraelitë në Komitetin Ndërkombëtar të Kryqit të Kuq në Gaza, në përputhje me marrëveshjen aktuale të shkëmbimit dhe armëpushimit.