Admiruesi më i madh i Zvicrës: Gjermania

(KEYSTONE/Peter Klaunzer)

Javët e fundit, shumë fjalë lavdërimi ndaj Zvicrës erdhën nga fqinji i saj verior.

Së pari, gazeta e përditshme Die Welt, u bëri thirrje gjermanëve të shpërngulen në Zvicër, duke e quajtur atë “një destinacion ëndrrash për punëtorët e kualifikuar”.

Tani dy media të tjera gjermane, Die Zeit dhe ARD Tagesschau, kanë theksuar gjithçka që është e gabuar në Gjermani, por e drejtë në Zvicër, transmeton albinfo.ch.

Së pari, sistemi politik: “Zvicra karakterizohet nga stabiliteti dhe kultura e saj e kompromisit. Këshilli Federal i Zvicrës është i organizuar si një ekip në të cilin partitë më të forta nga e majta në të djathtë punojnë së bashku,” raportojnë mediat gjermane. “Ky sistem konsensusi i detyron politikanët të arrijnë marrëveshje në vend që të bllokojnë njëri-tjetrin. Dhe megjithëse konfliktet politike shpesh nxehen, vendimet më të rëndësishme vazhdojnë me qetësi dhe efikasitet.”

Dhe në frontin ekonomik, ekonomia zvicerane po ecën më mirë se ajo e Gjermanisë për shkak të industrive të fuqishme, monedhës së fortë dhe tregut fleksibël të punës.