Popullsia e Cyrihut është ndër më të pashëndetshmet në Evropë

Armend Berisha - Cyrih

Të paktën, kjo është ajo që del nga një studim i ri i 31 qyteteve evropiane i kryer nga një ofrues gjerman i kujdesit shëndetësor Deutsche Medz.

Për studimin, kompania analizoi kritere të tilla si përqindja e popullsisë që udhëton për në punë me biçikletë ose në këmbë, kostoja e anëtarësimit në palestër dhe përqindja e hapësirave të gjelbra.

Çuditërisht, Cyrihu është i pesti në listën e qyteteve më të pashëndetshme.

“Një nga arsyet kryesore për këtë është kostoja e lartë e anëtarësimit në palestër, e cila është mesatarisht 77 € (rreth 73 franga) në muaj – “më e larta nga të gjitha qytetet”.

Një gjetje tjetër shumë befasuese është se “numri i viteve të shëndetshme të jetës është një nga më të ulëtit, në vetëm 59”.

Kjo është në kundërshtim me hulumtimet e tjera, të cilat tregojnë se njerëzit që jetojnë në Zvicër kanë një nga jetëgjatësitë më të lartë në botë – 85.8 vjet për gratë dhe 82.2 vjet për burrat.

Në fakt, një studim zbuloi se askund tjetër në Evropën Perëndimore njerëzit nuk jetojnë aq gjatë sa në Zvicër.