Trumpi sanksionon Gjykatën Ndërkombëtare Penale

Keystone (AP Photo/Julia Demaree Nikhinson)

Presidenti amerikan, Donald Trump, ka nënshkruar një urdhër ekzekutiv për sanksionimin e Gjykatës Ndërkombëtare Penale, duke e akuzuar atë për “veprime të paligjshme dhe të pabaza që synojnë Amerikën dhe aleatin tonë të ngushtë, Izraelin”, përcjell albinfo.ch.

Sanksionet përfshijnë kufizime financiare dhe të vizave për individë e familje të tyre që ndihmojnë në hetimet e GJNP-së ndaj qytetarëve amerikanë apo aleatëve.

Trumpi e nënshkroi urdhrin ndërsa kryeministri izraelit, Benjamin Netanyahu, ishte në vizitë në Washington.

Nëntorin e kaluar, GJNP-ja lëshoi urdhërarrest për Netanyahun për krime lufte në Gaza, të cilin Izraeli e mohoi. GJNP-ja ka lëshuar urdhërarrest edhe për një komandant të Hamasit.