Francë: Një person i vdekur e dy oficerë të plagosur, dyshohet për sulm terrorist

Foto ilustrim @unsplash

Një person ka vdekur dhe dy oficerë janë plagosur në një sulm me thikë që ka ndodhur sot në Francë.

Policia po mbledh provat në Mulhouse, e cila ndodhet vetëm disa kilometra larg kufirit me Gjermaninë.

Sipas njoftimit nga autoritetet, i dyshuari ka plagosur rëndë dy policë, një në qafë dhe një në gjoks. Një kalimtar ka tentuar të ndërhyjë dhe është vrarë, transmeton albinfo.ch.

I dyshuari është një algjerian 37-vjeçar, i cili kishte marrë një urdhër deportimi për shkak se ishte në listën e vëzhgimit të terrorizmit, sipas prokurorit vendas.

Prokurori ka hapur një hetim terrorist sepse i dyshuari thuhet se ka bërtitur “Allahu Akbar”.