SHBA i kërkon Danimarkës dhe vendeve evropiane t’i dërgojnë vezë

@pixabay

Shtetet e Bashkuara të Amerikës kanë kërkuar nga Danimarka dhe vendet e tjera evropiane të eksportojnë vezë për të përballuar rritjen e çmimeve në tregun amerikan. Kjo kërkesë është bërë nga Departamenti Amerikan i Bujqësisë përmes një letre drejtuar Shoqatës Daneze të Vezëve, ku kërkohet informacion mbi aftësinë dhe gatishmërinë e tyre për të furnizuar SHBA-në, shkruan DW.

Shoqata Daneze e Vezëve ka deklaruar se do ta shqyrtojë kërkesën, por ka theksuar se në Evropë nuk ka një tepricë të vezëve për eksport. Kërkesa vjen në një kohë kur çmimi i vezëve në SHBA është rritur me 59% krahasuar me vitin e kaluar. Gjithashtu, ajo ndodh në sfondin e komenteve të Donald Trump mbi kontrollin e Grenlandës, një territor që i përket Danimarkës, përcjell albinfo.