Vjosa Osmani reagon pas tragjedisë në Koçan

Të paktën 51 persona kanë vdekur në orët e vona të natës në qytetin lindor të Maqedonisë së Veriut, Koçan, si pasojë e shpërthimit të zjarrit në një klub nate

Presidentja e Kosovës, Vjosa Osmani, ka reaguar pas tragjedisë në Koçan të Maqedonisë së Veriut.

Përmes rrjetit social X, Osmani shprehu ngushëllime për viktimat dhe të gjithë popullin e Maqedonisë së Veriut, transmeton albinfo.ch.

“Lajm shkatërrues nga Koçani, Maqedonia e Veriut. Humbja e shumë jetëve të reja është një tragjedi që nuk mund të thuhet. Ne shprehim ngushëllimet tona më të sinqerta dhe qëndrojmë pranë familjeve të viktimave dhe gjithë popullit të Maqedonisë së Veriut në këtë kohë të vështirë. Ju jeni në mendimet dhe lutjet tona,” shkroi Osmani në X.

Të paktën 51 persona kanë vdekur në orët e vona të natës në qytetin lindor të Maqedonisë së Veriut, Koçan, si pasojë e shpërthimit të zjarrit në një klub nate.

Ndërsa raportohet për mbi 100 persona të lënduar. Të lënduarit, sipas ministrit të Brendshëm, Pançe Toshkovski, janë dërguar për kurim në spitalin e Shtipit dhe në spitalet e Shkupit.

---