Putin kërkon nga Trump ndërprerjen e ndihmës ushtarake për Kievin

Keystone

Presidenti amerikan Donald Trump dhe ai rus Vladimir Putin biseduan në telefon të martën pasdite. Pas këtij shkëmbimi të shumëpritur, Shtëpia e Bardhë njoftoi se janë zhvilluar diskutime për konfliktin në Lindjen e Mesme. Nga ana e tij, presidenti rus kërkon ndërprerjen e menjëhershme të ndihmës ushtarake perëndimore për Ukrainën si parakusht për çdo armëpushim, transmeton albinfo.ch.

Kremlini gjithashtu bëri të ditur se ka rënë dakord të ndalojë goditjet ndaj infrastrukturës energjetike në Ukrainë për 30 ditë.

Presidenti ukrainas, Volodymyr Zelensky, ka zëvendësuar shefin e shtabit të forcave të armatosura kombëtare, në një moment kur trupat ukrainase po përballen me vështirësi në vijën e frontit.