Shkencëtarët paralajmërojnë se ngrohja globale po del jashtë kontrollit

(KEYSTONE/AP Photo/Yaron Kaminsky)

Në një studim të ri alarmant, shkencëtarët paralajmërojnë se Toka mund të përjetojë një ngrohje prej 7 gradësh Celsius deri në vitin 2200. Ky fenomen, i nxitur nga aktivitetet njerëzore, ka ndikime drastike për të ardhmen, duke rritur temperaturat në nivele që do të vështirësojnë jetesën për pasardhësit tanë.

Temperaturat ekstremisht të larta pritet të dëmtojnë rritjen e bimëve, duke çuar në një krizë ushqimore globale dhe mundësi të mëdha urie. Përveç kësaj, shkrirja e akullnajave dhe ngritja e nivelit të deteve do të shkaktojnë përmbytje të shumicës së zonave bregdetare, duke i bërë ato të papërballueshme për jetesë.

Në këtë skenar të frikshëm, qytetarët do të detyrohen të kërkojnë vende të reja për të jetuar. Ndërkohë, kushte ekstreme si thatësira, zjarret e mëdha dhe stuhitë tropikale do të bëhen të zakonshme për jetën e përditshme të njerëzve të shekullit të 23-të, përcjell albinfo.ch.

Fenomeni i ngrohjes globale, i shkaktuar nga emetimi i gazrave të dëmshëm, ka ndikuar tashmë në klimën e planetit tonë. Sipas ekspertëve, shumica e studimeve klimatike parashikojnë një rritje të temperaturave deri në vitin 2300, por ende ka një mundësi 10% që ngrohja globale të ndalet në 3°C, nëse emetimet e gazrave të dëmshëm reduktohen.