Tërmeti në Mianmar: Të paktën 144 të vdekur dhe 732 të lënduar

Të paktën 144 persona kanë vdekur dhe të paktën 732 të tjerë janë lënduar pas tërmetit që ka goditur Myanmarin dhe kryeqytetin e Tajlandës. Sipas raporteve paraprake, epiqendra ishte në Myanmarin fqinj.

Junta ushtarake e Myanmarit ka lëshuar një vlerësim të përkohshëm: sipas shifrave të fundit, të paktën 144 persona kanë vdekur në tërmetin shkatërrues. Përveç kësaj, 732 persona janë plagosur. Megjithatë, numri i viktimave pritet të rritet, përcjell albinfo.ch.

Tërmeti i fuqishëm ka goditur Myanmarin, i cili është shkatërruar nga lufta civile që ka vazhduar që nga viti 2021. Më shumë se tre milionë njerëz tashmë janë të zhvendosur në vend. Sipas OKB-së, mbi një e treta e popullsisë ka nevojë për ndihmë humanitare. Junta ushtarake ka shpallur gjendjen e jashtëzakonshme në gjashtë rajone. Vendi, kryesisht i izoluar, ka kërkuar ndihmë ndërkombëtare për herë të parë pas një kohe të gjatë, raporton BBC.