Neuchâtel me thirrje për vullnetarë për të shpëtuar jetë

Çdo ditë në Zvicër ndodhin afro njëzet arrestime kardiake, me një shkallë mbijetese prej 5%. Çdo minutë ka rëndësi

Kantoni Neuchâtel po u bën thirrje më shumë njerëzve për të ndihmuar në shpëtimin e jetëve.

Aktualisht, në këtë kanton janë mbi 1.000 vullnetarë të trajnuar për të ofruar ndihmën e parë kritike përpara se të mbërrijnë ekipet profesionale.

Autoritetet synojnë ta dyfishojnë këtë numër deri në fund të vitit 2026, transmeton albinfo.ch.

Çdo ditë në Zvicër ndodhin afro njëzet arrestime kardiake, me një shkallë mbijetese prej vetëm 5%. Çdo minutë ka rëndësi.

Për këtë arsye, Kantoni i Neuchâtel, përmes Shërbimit Kantonal të Shëndetit Publik (SCSP), po nis këtë muaj një fushatë informuese për të nxjerrë në pah rolin jetik të përgjigjes së parë në zinxhirin e ndihmës së shpejtë. Fushata do të përfshijë një film edukativ frymëzues dhe dëshmi emocionuese nga katër vullnetarë vendas që janë përballur me situata emergjente.

Për t’u bërë një reagues i parë, duhet të jeni mbi 18 vjeç, të keni përfunduar një trajnim të njohur, të shkarkoni dhe regjistroheni në aplikacionin First Responder Neuchâtel dhe të jeni të gatshëm për të ndërhyrë në rast urgjence.

 

 

---