Zviceranët çdo herë e më pak dëshirojnë të udhëtojnë në SHBA

77 përqind e të anketuarve do të hiqnin dorë ose do të hezitonin të udhëtonin në SHBA për shkak të administratës Trump

Janë gjithnjë e më të pakët në numër zviceranët që duan të vizitojnë Shtetet e Bashkuara të Amerikës. Të paktën kështu rezulton nga një sondazh i ri në shkallë të gjerë, i kryer nga grupi mediatik Tamedia me pjesëmarrjen e 35.132 banorëve zviceranë.

Sipas këtij sondazhi, më shumë se tre të katërtat (77 për qind) e të anketuarve do të hiqnin dorë ose do të hezitonin të udhëtonin drejt SHBA-së për shkak të administratës Trump, ndërsa 22 për qind kanë deklaruar se do të vazhdojnë ta bëjnë këtë, përcjell albinfo.ch.

Brenda këtij grupi të fundit, 40 për qind e të rinjve midis moshës 18 dhe 34 vjeç janë më të prirur të udhëtojnë në Shtetet e Bashkuara, ndërsa vetëm 8 për qind e të anketuarve të moshës 65 vjeç e lart do ta bënin këtë.

---