Autoritetet mbyllin rrugën Grand-St-Bernard për shkak të ortekëve

A21 Great St. Bernard: Mbyllje për shkak të ortekut

Pas një orteku që ndodhi në rrugën Grand-St-Bernard (A21) të enjten, tuneli që lidh kantonin Valais me Italinë do të mbyllet për të gjithë trafikun derisa të vlerësohet dëmi dhe të garantohet siguria e përdoruesit, përcjell albinfo.ch.

“Mbyllja e këtij tuneli ndërpret përkohësisht lidhjen me Italinë”, tha Zyra Federale e Rrugëve (ASTRA) në një deklaratë për shtyp, duke shtuar se një tjetër rrugë drejt atij vendi, Simplon Pass (A9), është gjithashtu e mbyllur, shkruajnë mediat zvicerane.

Gjatë reshjeve të dendura të borës, që përfshinë të gjithë kantonin e Valais, një ortek u shkaktua në tunelin Toules në rrugën Grand-St-Bernard, i cili ndodhet përballë hyrjes së tunelit Grand-St-Bernard.

“Hetimet fillestare kanë treguar se tuneli ka disa dëmtime. Ky dëm duhet të vlerësohet më tej,” sipas ASTRA.

Megjithatë, për shkak të rrezikut të mbetur të ortekëve në zonë, tuneli do të qëndrojë i mbyllur deri në një njoftim të dytë.

---