Zvicra ka një tjetër shans për të kundërshtuar tarifat amerikane

(KEYSTONE/Laurent Gillieron)

Në prill, presidentja zvicerane Karin Keller-Sutter foli në telefon me presidentin amerikan Donald Trump, duke i kërkuar atij të rishqyrtojë vendosjen e tarifave tregtare prej 31% ndaj Zvicrës, përcjell albinfo.ch.

Ajo do të ketë një tjetër shans këtë fundjavë pikërisht këtu, në tokën zvicerane.

Sekretari i Thesarit të SHBA-së, Scott K. H. Bessent, pritet të mbërrijë sot në Gjenevë, ku do të takohet në territorin neutral (fjalë për fjalë dhe figurativisht) me një delegacion kinez.

Qëllimi kryesor i këtij takimi është të tejkalohet lufta tregtare midis SHBA-së dhe Kinës.

Por Bessent do të ketë edhe një takim me presidenten Keller-Sutter, teksa qeveria zvicerane synon të bëjë përparim në minimizimin e tarifave që Uashingtoni mund t’i vazhdojë ndaj Zvicrës.