Qeni i doganës zbulon 5 kg. kokainë nën ulësen e makinës së shqiptarit

Pas sinjalizimit nga qeni i Dembé i doganës, ekspertët gjetën pesë blloqe kokaine, secila me peshë rreth një kilogram

Qeni i zbulimit të drogës, Dembé, ka zbuluar pesë kilogramë kokainë në makinën e një shqiptari 24-vjeçar në kantonin e Gjenevës. Droga ishte fshehur me zgjuarsi nën një kapak nën ulësen e pasagjerit.

Punonjësit e Zyrës Federale për Doganat dhe Sigurinë Kufitare (BZG)kanë kryer një patrullë mobile në zonën përreth Perly GE të dielën e kaluar, kanë njoftuar autoritetet të enjten, trasnmeton albinfo.ch. Ata ndaluan me këtë rast një makinë të regjistruar në Francë dhe kryen një kontroll.

Shoferi shqiptar i testuar rezultoi pozitiv për kokainë. Për këtë arsye, qeni i zbulimit të drogës Dembé u dërgua për të përcaktuar nëse kjo substancë ishte transportuar edhe në automjet, thuhet më tutje në njotimin e bërë publik nga BZG, shkruan swissinfo.ch.

Meqenëse qeni kishte shënuar si “pozitiv” një vend të caktuar, më pas u dërgua një ekip i specializuar për inspektimin e automjeteve. Ekspertët gjetën pesë blloqe kokaine, secila me peshë rreth një kilogram.

Personi dhe droga iu dorëzuan Policisë Kantonale të Gjenevës. Zyra e prokurorit publik ka nisur një hetim penal.

---