Francë: Dy të vdekur nga një stuhi e rrëmbyeshme

Raportohet se dy persona kanë mbetur të vdekur dhe 17 të tjerë të plagosur gjatë stuhive të rrëmbyeshme në Francë që rrëzuan pemë, përmbytën rrugët e Parisit dhe shkaktuan rrjedhje në çatinë e parlamentit ndërsa kryeministri po fliste, përcjell albinfo.ch.

Stuhia ka ndodhur të mërkurën në mbrëmje, duke përmbytur me shpejtësi bulevardet e Parisit, duke rrëzuar pemë dhe duke përmbysur karrige dhe tavolina jashtë bareve, raporton AP.

Agjencia franceze e mbrojtjes civile ka thënë se një person është lënduar rëndë në stuhinë, e cila përfshiu Francën pas një vale të nxehti. Agjencia ka njoftuar se energjia elektrike i është ndërprerë gjithashtu 110,000 shtëpive.

Një pemë që kishte rënë ka lënë të vdekur një 12-vjeçar në Francën jugperëndimore teksa një burrë ka vdekur kur motori i tij me katër rrota goditi një pemë të rrëzuar në veriperëndim, raportuan mediat franceze.