Elon Musk themelon “Partinë Amerikane”

EPA/ALEXANDER BECHER

Elon Musk ka bërë një hap të papritur por të bujshëm në skenën politike amerikane. Miliarderi i teknologjisë ka njoftuar themelimin e një partie të re politike të quajtur Partia Amerikane. Lajmi u bë publik në platformën e tij X, në Ditën e Pavarësisë, ku ai gjithashtu publikoi një sondazh që tregoi mbështetje të gjerë për një alternativë politike ndaj partive ekzistuese, shkruan DW, transmeton albinfo.ch.

Nga më shumë se 1.25 milionë pjesëmarrës në sondazh, 65 për qind u shprehën pro një partie të re. “Me një diferencë 2 me 1, ju doni një parti të re politike dhe do ta merrni atë,” shkroi Musk, duke theksuar se kjo ishte një përgjigje ndaj një sistemi që ai e quajti të kapur nga korrupsioni dhe shpërdorimi.

“Nëse një vend shtyhet drejt falimentimit nga korrupsioni, atëherë nuk jetojmë më në një demokraci, por në një sistem njëpartiak,” tha Musk, duke e arsyetuar themelimin e partisë si një hap për të “shpëtuar Amerikën”, transmeton albinfo.ch.