Dalin pamjet e rrëzimit të aeroplanit rus, vdesin të gjithë pasagjerët

Ministria e Situatave të Emergjencave të Rusisë konfirmoi se janë gjetur mbetjet e një aeroplani pasagjerësh që u zhduk nga radari pranë aeroportit Tynda në lindjen e largët të Rusisë. Sipas informacioneve paraprake, askush nuk ka mbijetuar, përcjell albinfo.ch.

Avioni i kompanisë Angara ishte në një fluturim në itinerarin Khabarovsk, Blagoveshchensk, Tynda dhe u zhduk nga radari disa kilometra larg Tyndës. Në kohën e zhdukjes, ai nuk krijoi kontakt me kontrollin e fluturimit. Mbetjet e aeroplanit u gjetën rreth 15 kilometra larg aeroportit.

Sipas guvernatorit të Rajonit Amur, Vasily Orlov, në aeroplan ndodheshin 49 persona, 43 pasagjerë përfshirë pesë fëmijë dhe gjashtë anëtarë të ekuipazhit.

Qendra Ruse për Mbrojtjen Civile thotë se kërkimi po zhvillohet në një zonë të vështirë për t’u arritur, me pjesëmarrjen e ekipeve të shpëtimit nga Ministria e Situatave të Emergjencave.

Një video e rrëzimit të aeroplanit rus u publikua në rrjetet sociale.

Video

https://x.com/nexta_tv/status/1948283950834606227?ref_src=twsrc%5Etfw%7Ctwcamp%5Etweetembed%7Ctwterm%5E1948283950834606227%7Ctwgr%5E%7Ctwcon%5Es1_&ref_url=https%3A%2F%2Freporteri.net%2Flajme%2Fbote%2Fdalin-pamjet-e-rrezimit-te-aeroplanit-rus-vdesin-te-gjithe-pasagjeret%2F