Nxënësit danezë mund të përdorin inteligjencën artificiale në provimet e anglishtes

Ilustrim, - facebook

Deri nga viti i ardhshëm, nxënësit e shkollave të mesme në Danimarkë do të kenë mundësinë të përdorin mjete të inteligjencës artificiale gjatë pjesës me gojë të provimit përfundimtar të anglishtes, njoftoi Ministria e Arsimit.

Gjatë provimit, nxënësit mund të përdorin AI për përgatitjen e temës së prezantimit. Pas përgatitjes një-orëshe, ata do të japin prezantimin e tyre para një ekzaminuesi.

Ministri i Arsimit, Mathias Tesfaye, tha se eksperimenti synon të gjejë ekuilibrin mes zhvillimit digjital dhe aftësive tradicionale, duke i përgatitur nxënësit më mirë për realitetin pas shkollës. Përdorimi i AI-së do të jetë vullnetar dhe do të aplikohet vetëm nga shkollat që e zgjedhin atë.

Danimarka ka lejuar përdorimin e kontrolluar të internetit gjatë provimeve që nga viti 2008 dhe vazhdon të promovojë zhvillimin digjital në arsimin e saj.