Mbi 225 mijë vende të lira pune në Zvicër

Mungesë e madhe punëtorësh në Zvicër, mbi 220 mijë vende të hapura

Zvicra po përballet me një numër të lartë të vendeve të lira të punës, pavarësisht pritjeve për një rritje të lehtë të papunësisë në vitin 2026, transmeton albinfo.ch.

Referuar të dhënave të publikuara nga kompania e shërbimeve të personelit X28, aktualisht në mbarë vendin janë të shpallura 225.358 vende të lira pune.

Kërkesa më e madhe për punëtorë vërehet në kantonet e Cyrihut dhe Bernës, të cilat kryesojnë listën me 46.657 dhe 29.697   vende të lira respektivisht.

Sa i përket sektorëve, shëndetësia mbetet fusha me mungesën më të madhe të fuqisë punëtore, ku kërkohen rreth 22.500 profesionistë./Albinfo.ch

---