Zvicër: Mijëra të papunë në pritje të përfitimeve për shkak të problemeve teknike

Vonesa masive në pagesat e papunësisë në Zvicër

Mijëra persona të papunë në Zvicër po përballen me vonesa të konsiderueshme në marrjen e përfitimeve të papunësisë, si pasojë e problemeve teknike të lidhura me zbatimin e një sistemi të ri pagesash, përcjell albinfo.ch.

Sipas autoriteteve, vonesat janë shkaktuar nga futja e sistemit të ri ASAL 2.0, i cili u implementua këtë muaj për menaxhimin dhe pagesën e përfitimeve të papunësisë. Gjatë fazës fillestare të tranzicionit janë shfaqur vështirësi teknike, të cilat kanë krijuar një ngarkesë të madhe në përpunimin e rasteve.

Sekretariati Shtetëror për Çështje Ekonomike (SECO) ka konfirmuar problemet teknike dhe ka bërë të ditur se për shkak të tyre janë zgjatur afatet e përpunimit, duke lënë mijëra të papunë pa pagesat e tyre në kohë.

Megjithatë, sipas SECO-s, problemet më serioze tashmë janë zgjidhur, dhe autoritetet presin që situata të normalizohet gradualisht në ditët në vijim./Albinfo.ch

---