Në cilat qytete është më lehtë të hapësh biznes

Në vendin e dytë renditet qyteti zviceran i Cyrihut, ndërsa Dubai mban vendin e tretë

Një indeks i ri ka renditur qytetet më “miqësore për startup-et” në botë, me tre destinacione Europiane që hyjnë në dhjetëshen e parë.

Ai i vlerëson qytetet bazuar në “aktivitetin sipërmarrës, inovacionin, zhvillimin e talenteve dhe fleksibilitetin e biznesit”, shkruan shqip.al, transmeton albinfo.ch.

Një startup është pikërisht ashtu si përkthehet: një biznes që, siç e merrni me mend, është hapur së fundmi, dhe edhe pse mund të mendoni se nëse nuk jeni një sipërmarrës në fillimet tuaja, kjo renditje mund të mos jetë aq e rëndësishme për ju, në fakt nuk është kështu.

Sigurisht, një indeks që vlerëson “aktivitetin sipërmarrës, inovacionin, zhvillimin e talenteve dhe fleksibilitetin e biznesit” mund të tingëllojë si një grumbull zhargoni nga faza e intervistës në “The Apprentice”.

Por siç e shpreh Multipolitan, “startup-et riciklojnë pasurinë lokale, trajnojnë gjeneratën e ardhshme të profesionistëve dhe i sinjalizojnë botës se një qytet është i hapur ndaj mundësive.”

Pra, cili është qyteti më i mirë në botë për të hapur një biznes të ri?

Në një zhvillim jo edhe aq befasues, San Francisko ka marrë vendin e parë, falë thellësisë së pakrahasueshme të kapitalit sipërmarrës, dendësisë së startup-eve dhe një ekosistemi të pjekur inovacioni të mbështetur nga infrastrukturë e fortë dixhitale dhe e talenteve.

Por qyteti ka shumë më tepër për të ofruar se kaq. Me një jetë nate plot gjallëri, lagje alternative dhe hapësira mbresëlënëse arti, si edhe kodrat ikonike, tramvajet dhe urën Golden Gate, ky qytet ka shumë më tepër personalitet sesa vetëm biznes.

Në vendin e dytë renditet qyteti zviceran i Cyrihut, ndërsa Dubai mban vendin e tretë.

Dy qendra të tjera amerikane kanë hyrë në dhjetëshen e parë, së bashku me disa qytete të mëdha të Azisë Lindore dhe kryeqytete evropiane, ndaj vazhdoni leximin për të zbuluar cilat janë.

Dhjetë qytetet më të mira për startup-e në vitin 2026:

San Francisko, SHBA

Cyrih, Zvicër

Dubai, Emiratet e Bashkuara Arabe

Singapor

Nju Jork, SHBA

Los Anxhelos, SHBA

Seul, Koreja e Jugut

Londër, Mbretëria e Bashkuar

Hong Kong

Paris, Francë

---