Të rinjtë po largohen nga interneti: një trend në rritje drejt jetës offline

(KEYSTONE/Gaetan Bally)

Në vitin 2026, po vërehet një prirje në rritje ku gjithnjë e më shumë të rinj po zgjedhin të shkëputen nga interneti dhe rrjetet sociale, duke reduktuar përdorimin e telefonave inteligjentë.

Në qytetin e Zürich, janë organizuar takime të posaçme ku pjesëmarrësit kalojnë kohë pa telefona. Ata lexojnë, shkruajnë dhe bashkëbisedojnë, ndërsa përdorimi i internetit është i ndaluar. Qëllimi është rikthimi i fokusit dhe i lidhjeve reale mes njerëzve, transmeton albinfo.ch.

Ky fenomen lidhet kryesisht me ndikimin që rrjetet sociale kanë në shëndetin mendor. Shumë të rinj raportojnë stres, ankth dhe presion nga krahasimet online, çka i shtyn të kërkojnë një mënyrë jetese më të qetë dhe më të balancuar.

Ekspertët vlerësojnë se kjo lëvizje drejt “offline” mund të vazhdojë të rritet, duke u kthyer në një alternativë të rëndësishme për mirëqenien dhe cilësinë e jetës së gjeneratave të reja.